ໃນຕອນສວາຍຂອງວັນທີ 26 ຕຸລາ 2020 ຄະນະຜູ້ບໍລິຫານ ກຸ່ມບໍລິສັດພົງສະຫວັນ ຈຳກັດ ແລະ ບໍລິສັດໃນເຄືອ ໄດ້ເຂົ້າມອບເຄື່ອງຊຸກຍູ້ເພື່ອແກ້ໄຂໄພນໍ້າຖ້ວມຢູ່ບັນດາແຂວງພາກກາງ ສປປ ລາວ ທີ່ສຳນັກງານປະທານປະເທດ, ມອບໂດຍ ທ່ານ ຄຳຫລ້າ ລໍລອນສີ ຮອງປະທານກຸ່ມບໍລິສັດພົງສະຫວັນ ຈຳກັດ – ປະທານມູນນິທິພົງສະຫວັນ, ທ່ານ ບຸນເອັ້ງ ກວ້າງມະນີວັນ ຮອງປະທານກຸ່ມບໍລິສັດພົງສະຫວັນ ຈຳກັດ, ທ່ານ ບຸນຖັນ ຈິດຕະວົງ ຜູ້ອຳນວຍການຝ່າຍປະຕິບັດການ ບໍລິສັດປີໂຕລຽມ ເທດດິ່ງລາວມະຫາຊົນ, ທ່ານ ວຽງຄອນ ສິດທິໄຊ ຜູ້ອຳນວຍການໃຫຍ່ ບໍລິສັດ ສິດທິ ໂລຈິດສຕິກ ຈຳກັດ ແລະ ເປັນກຽດຮັບໂດຍ ທ່ານ ຄຳເມີງ ພົງທະດີ ລັດຖະມົນຕີ ຫົວຫນ້າຫ້ອງວ່າການປະທານປະເທດ ພ້ອມດ້ວຍຄະນະ, ໃນການມອບເຄື່ອງຄັ້ງນີ້ປະກອບມີ ເຂົ້າຈຳນວນ 20 ໂຕນ ແລະ ຜ້າຮົ່ມ 500 ຜືນ ລວມມູນຄ່າ 220,000,000 ກີບ
